التمثال-حامد زيد

التمثال
عفا الله عن خطى غدر الخنـاجر والضلـوع أبطـــال .... بسامح وأتركك تحت الظلام الحالك لحـــالك
دخيـلـك وفـــر دموعــك ترى هـدر الدمـــوع إذلال .... وترى ما في احد يصبر مثل صبري بغربـــالك
أنــا عـيب علي انقض كلامي والرجــــال أفعــــال .... وإذا قلت اقطع حبالك تراني بقطع حبــالـك
عشان أكسبت هدب عينك تجرعت العذاب أشكال .... وليتـك ترأف بحـــالي عشان ارأف بحـــالـك
مسوي في حياتــــي شـــي مـا يـــذكر ولا يـــنقال .... حشى حتى العدو وهو العدو ما يعمل أعمالـك
تمسيني على الهــــــم وتصبحني على الغربــــــال .... تـقـلــطــني فناجينــك وتقصــر عــني دلالك
تحملت التعب لجلك وأنــــــا حملي يهـد جبــال .... رحلــت من العذاب وما وقفت إلا على جـالك
علامـــك كل ماجيـك متواضـــع جيتني تختــــال .... معـاك إلى متى بصبر وصبري معـــك يحلالـك
مثل ما قبلت لعيونــك لـــزوم ترد لي بقبــــــــال .... ومثل ماقد حشمتك حس واحشم قلبي اشوالـك
أنــــا محدن بجابرني أسايـر معـك هالـمنــــــوال .... ترى لانــي تبيعن لـك ولاني بصغـر عـيــالـك
أنا جيت أعشقك نبض ومشاعر ما أعشقك تمثــال .... أنا جيت أسكنك وأحياك وأبقى فيك وأبقـالـك
أنا جيت بظمى عاشق تعب يطرد سراب الــــلال .... أنا جيت استفز رضـاك من فرقـــاك والجــالك
أنـا ما همت بك عاقل أنــا كنت أعشقك بخبـــال .... أنا ما كنت احبك حي أنا كنت أعشقك هالـك
تخيـل من كثر ما أخـاف تلـقى للزعــل مدخـال .... أخاف اخطي على طيفك وأدوس برجلي ظلالـك
تبعتك والعرب تتبع رعـــود البـــــارق الهمــــال .... وأنا شفـت المطر يتبعـــك في حــلـك وترحـالك
كأن اللي خلق حسنك خلقني مع جسدك ظـــلال .... وصرت اقرب جسد يمشي معك بقفاك وقبـالـك
أبــي قلبــك يحس إنـــه فقـد بمحبتــه رجــــال .... ملكته من هـدب عين وخسرت رضاه بهمـــالك
صحيح إن الفـراق أقسى ولكن الوصـــال محــــال .... وأنا صعب علي ارضي غرورك واضعف قبــالـك
بعــد ما حققــت عيــني في بعدك للرقــاد آمـــال .... أعود للسهــر يا خــوي فــال الله ولا فــــالـك
ببدل نظرتــك فينــي وأجيـــلك كل يــوم بحــال .... بكون اقــرب من ثيابـك عليــك ولا تهيـــالـك
بلمــك وانثــرك وأجمعك وارجع وانثـرك بإهـــال .... بخونك وازعلك وأرضيك وازعل منك وارضــالك
أبرسم بالثــرى وجهـك وأبدفـن صورتك برمــــال .... أبشكي للعـرب فرقــاك وبضحــك عنـد عذالـك
أبهديـك الوصـال فـراق وأهديـك الفــراق وصـــال .... بسوي مثل ما أشوفك تسوي وافعــل أفعـــالـك
عشان تعرف من فينا الزعول ومن وسيـــع البــال .... أبيـــك تذوق فنجــالي وأنـــا بذوق فنجــــالك
نصيحة واحتفظ فيها قصر معك الزمن أو طـــــال .... أبي تسمـع كـــلامي زين وتحطه على بــــالـك
إذا حبك هبــــال أطفال لك عندي هبـــال أطفال .... لا وابشر بعد بهبـــال حــب مــاهو بهبـــالـك
وإذا قصدك تهين اسمــي عشان تشمت العــــذال .... حشى لا انته ولا غيرك ولا عشرة من أشكـالـك

زائر

واااااااااااااااااااااااااااااااااااااااااااو
يسلموووووووووووووو يالغاليه ع هالشعر
بصراااااااااحه روووووووووووووعه بس مو اروع منك
الله لا يحرمنا من مشاركاتك الحلوه

مشكوره ع المرور قلبو
آمين ولا يحرمنا منك...........

زائر

مشكوره ع الموضوع Very Happy

زائر

مشكوره ع الموضوع بس انا ماحب
الشعر مره.........

يسلموووووووووووووو ع المرور

» °.•.♥.•° قصيدة الأم... للشاعر حامد زيد°•.&#982