عشـــــآن الحـــب ،،

/

\

/

.. .. وعشان الحب لم تكتمل حينها ..

اردت كتابتها كـامله هنا .. لقلوبكم ..

/

\

/

/

\

خلاص اليوم

بديت اتعب

بديت اتعب

غيابك حيل متعبني

مثل ماقلبك ابليله .. ياكل الروح يتعبني

رغم كل التعب هذا .. تصدق عــاد ..

بديت اعـّـود عيوني على اغيابك !!

عرفت اهرب من جروحي .. اذا في ليله قالت لي ..

وراهم راحوا احبابك !!

عرفت ان الغلا عدى على بابك ولاشفتيه

عرفت ان الهوى خلصّ .. وراح اليوم مايمديه

عرفت ان المكان اصبح مكان الغير .. مو ليــّه

وذاك الخافق الولهان .. تركني راح .. بعد ماكان بيـديـّـه

بعد عمري

صباح الخير

صباح الورد والنــّــوير

بربك كيفها احوالك

بعد هالكون وش حالك

عساك الليله مرتاحه

وقلبك يابعد قلبي .. عساها دائم افراحه

بربك ودي تحكي لي

ابي اعرف وش اخبارك

قبل ماامشي ياعمري ابيك اليوم تحكي لي

اذا للحين في قلبك بقايا جروح قولي لي

ابي امشي ونا مرتاح

مع ان ايامي من بعدك الم دمعه سهر وجراح

ولكن دامك اخترتي نهاية حبنا الليله

ابرحل وش بقى باقي .. بعد ماضاعت الحيله

بعد ماني ترجيتك ابيك تعود

بعد ياعمري حبيتك بليـّـا احــدود

بعد ماقلت لك تكفى .. جروح وودّهــا تشفى

بعد ماكنت لك ليله .. تراب اتدوس رجلينك

بعد ماقلت لك ميت .. دخيلك .. الله لايهينك

وش احكي بس قولي لي

وربي مابقى لي صوت

رغم هذا .. احبك موووووووت

وعشان الحب .. بنفــّـذ رغبتك وابعد

مع اني عارف الاشواق ورب البيت ماتبعد

ولكن وش بسوي بس

اذا بعد العمر هذا .. وقلبك يالغلا ماحسّ !!

بربك قول علمني

تعبت ومابقى فيني

سوى ذكراك ,, تقتلني وتحييني !!

وهمساتك

وضحكاتك

سواليفك

وكلمه دوم اسمعها ,, بربك يالغلا كيفك

اذكر اول ايامك

تعبت اعلمك توله

تعبت الشوفتك اوله

تعبت اغمّض عيوني .. وراك امشي

تعبت اقرّب اشواقي .. واشوفك يالغلا تمشي

تعبت ومالقيت الاّ بقايا من غرور انثى

اجيها بشوق تتركني .. تروح بيوم تتغلى

وفي جرحي .. بعد هالكون .. تموت الحلوه تتسلى

ومع نفسي ارد احكي .. غريبه حال هالحلوه

تتلذذ بتعذيبي !!

تموت ابلهفتي وطيبي

وطول الوقت تسألني

تبيني يابعد عمري

بربك قول

وقبل مااحكي واتكلم

تقول ارجوك لاتعـّـلم

اخاف الناس تحسدنا

تفرقنــّـا وتبعدنا

ارد اسكت

تغيب ايام ماتسأل .. ولاتدري عن احوالي

ارد انطر تدق ابيوم .. انام بجنب جوالي

يمر اسبوع

يطول اليوم او يقصر

وذاك الشوق يصير ابغيبته اقصر

تجيني متعبه بالحيل

تقول ارجوك حذيفه ,, وربي مارقدت الليل

وربي حيل تعبانه

دخيل القلب .. من شانه

وطول الوقت تسولف لي .. وش اللي صار مع ساره

ربيعتها ..

عن السلسال والخاتم .. وعن صورة عبايتها

تصدق عاد حذيفه

تعشينا بذاك السوق

وقابلنا مرام وشوق

وانا ساكت ااقول الله

عسى عمري تونستي

تقول اشوي مو وايد

تدري بحالها

رطوبه وحّرها زايد

نسيت اقول لك حاجه

وربي كنت محتاجه .. امـّر السوق .. بروح مجمّع

بس الوقت ماكو وقت .. بربك قول وش اعمل

يقولوا موديلات جنان

ابحضر عرس حوريه ..

وانا بيني وبينك هيه .. ابي اخذ لها فستان

انا ماقلت لك .. مدري .. ترى الملكه بعد يومين

اقول لك بس حذيفه .. سلام .. اكلمك بعدين

وصارت للاسف .. بعدين

قريب اتكمـّـل الشهرين

وارد الحالتي ناطر

اقول اترد لي باكر

وبليله خاليه من حب .. نساها الوقت مايدري

تحــّـن وتفتكر رقمي

هلا .. كيفك ياحذيفه

عساك بخير

ابي احكي لك اللي صار

............

الين الشوق قربنــّـا

وصرنا اثنين

يعيشوا وقلبهم واحد

وكنتي لاتقابلنا

كنتي حيل خجلانه

وزاد الشوق .. وشفت اش كثر ولهانه

تقولي اشتقت لك وايد

اقول اشتقت لك اكثر

تقولي لا .. انا اللي اشتقت لك اكثر

ارد احكي انا اكثر

تقولي مو كثر شوقي

اقول اكثر

وكان الحب معانا يالغضي يكبر

وكنتي تهمسي دايم

احبك مووت حذيفه

احبك واعشقك والله

رسمنا للعشق صوره ,, حكاية حب مجنونه

غرام اثنين جمعهـّـم .. زمن في لحظه مفتونه

وش احكي بس ياعمري

وغلاتك بس قولي لي

بعد هذا تبين ارحل

ابسمعها . . ولك مني عهد مايوم برجع لك

ولابنســــــــــــــــاااك

حبيب العمر مااقســــــــاااك

ابي اسمعك .. اذا ودك تقوليها

مع ان القلب يصرخ لك .. طلبتك لاتقوليها !!

تعبت ارجوك .. تعبت ارجوك .. تعبت ارجوك

تعبــت

تعبــت

تعبـــت

مشكوره

الله يعطيك الف الف الف عافيه